Digital Trade and E-Commerce ဖွံ့ဖြိုးတိုးတက်ရေးဆပ်ကော်မတီ ဒုတိယအကြိမ် လုပ်ငန်းညှိနှိုင်း အစည်းအဝေးကို ၂၀၂၀ ခုနှစ်၊ ဇူလိုင်လ ၁၇ ရက်နေ့၊ နံနက် (၁၀:၀၀)နာရီ အချိန်တွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံးအစည်းအဝေးခန်းမ၊ ရုံးအမှတ်(၃)၊ နေပြည်တော် တွင် Video Conferencing စနစ်ဖြင့် ကျင်းပပြုလုပ်ခဲ့ရာ မြန်မာနိုင်ငံကွန်ပျူတာအသင်းချူပ် ဒုတိယဥက္ကဋ္ဌ ဦးမျိုးမြင့်ထွန်းနှင့် အလုပ်အမှုဆောင် ဦးဇော်ထွဋ်တို့မှ တက်ရောက်ခဲ့ပါသည်။
အစည်းအဝေးတွင် Digital Trade and E-Commerce ဖွံ့ဖြိုးတိုးတက်ရေးဆပ်ကော်မတီ ဥက္ကဋ္ဌ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူး က အဖွင့်အမှာစကား ပြောကြားပါသည်။
မြန်မာနိုင်ငံကွန်ပျူတာအသင်းချူပ် ဒုတိယဥက္ကဋ္ဌ ဦးမျိုးမြင့်ထွန်းနှင့် အလုပ်အမှုဆောင် ဦးဇော်ထွဋ်တို့က Digital Trade and E-Commerce ဖွံ့ဖြိုး တိုးတက်ရေးအတွက်ဆောင်ရွက်လျက်ရှိသည့် ဆောင်ရွက်ချက်များနှင့် ဆက်လက်ဆောင်ရွက်သွားမည့် လုပ်ငန်းစဉ်များအား ဆွေးနွေးခဲ့ကြပါသည်။
Digital Trade and E-Commerce ဖွံ့ဖြိုးတိုးတက်ရေးဆပ်ကော်မတီ ဒုတိယအကြိမ် လုပ်ငန်းညှိနှိုင်း အစည်းအဝေးကို နေ့လယ် (၁၂:၀၀) နာရီ အချိန်တွင် အောင်မြင်စွာ ရုပ်သိမ်းခဲ့ပါသည်။
မြန်မာနိုင်ငံကွန်ပျူတာအသင်းချုပ်
